South Korea’s de ek-jun morise aro tui-jun jokhom paise

Seoul, 4 Sebtember: South Korea Company pora janaideya hesab de, Tuesday din, Samsung Electronics chip plant jaga de carbon dioxide leak hoi-kena ek-jun moraidese aro tusara tui-jun jokhom hoise koise. Company pora janaideya hesab de, etu hatsa pora tin-jun behos hoi-kena paise koise. Samsung company pora kowah hesab de, ek-khonda bechide 24-sal manu toh hospital de morise aro tusara tuita 26 aro 54 sal toh behos hoi-kena ase koise. Etu mora toh carbon dioxide leak howah pora hoise pari koise. Aro etu leak howah de investigate kori ase koise. Duniya de top smartphones aro memory chips bona Samsung toh Suwon jaga de ase. South de enaga bhaiynaak hatsa toh besi phak company de hoi thaki aro etu laga safety nemide tai khan  besi dukh kori ase. January moina de, desh laga top steel-bona Posco company debe gas leak pora jar-ta worker moraideya thakise. Aro August 2017 debe STX Offshore laga headquarter de fuel tank puthi-kena jar-ta worker moraideya thakise.