Mumbai: Bigg Boss Tamil laga third season te bishi chamela olaishe .Hoilebi juwa haafta bishi biya hoishe kile koile toh etu laga ekta contestant ke joborjosti hatishe ghor laga bithor te jhokom paikena.
Tai para etia jai thaka Cauvery water issue te kotha etu para dusra contestant khan tai laga khilaaf jaishe .Tai nijor ke prove kuribole nimete tai laga wrist katishe.
Etia show khan para khobor dishe Madhumita para nijor ke jhokom kuraishe etu dikhabole nimete aro etu toh show laga rules te khilaaf ase.Etu para tai ke olaidishe.
Vijay TV’s legal department manager Prasad para Guindy police station te Madhumita laga khilaaf case file kurishe.Tai koishe Madhumitha ke akhe para hoi agreement hisaab te Rs 11,50,000 dishe.Aro tai ke kotha kurishe tai laga 42 day payment toh joldi hi kotha kuribo.
Hoilebi dui din akhe te Madhumitha para Bigg Boss Tamil organiser Tina ke contact kurikena Whatsapp para ekta voice note phutaishe .Etu voice note te tai para dhamki dishe judi channel khan para tai laga dues toh dui din bithor te settle kuranai koile toh tai nijor ke muraidibo koishe.
Etu complaint kura pichede Madhumitha koishe tai najani kena thaka etu police complaint kura toh. Bigg Boss 3 Tamil toh Kamal Hassan para host kuri she.
Add Comment