IMPHAL | Aug 25, 2019 (PTI):Saturday din officials khan koishe Manipur laga choita valley districts te seventh Economic Census laga first phase shuru kurishe.
Etu census kuntu toh Union Ministry of Statistics and Programme Implementation (MoSPI) para shuru kura toh districts khan laga establishment khan cover kuribo aro etu survey khan para khobor jaamaa kura toh government khan ke socio-economic developmental planning state aro district levels nimete modot kuribo.
Etu laga first phase te choita districts etu te Imphal East aro West, Bishnupur, Thoubal, Kakching aro Jiribam khan cover kuribo.
Friday din te Imphal East district, Deputy Commissioner Rangitabali Waikhom para reporters khan ke ekta programme te koishe ki” Friday din te 7th Economic Census laga first phase shuru kurishe aro etu survey laga time frame toh tin moina thakibo.Etu khotom huwa pichede ekta provisional result olabo.”
Tai aro manu khan ke data khan thik para dibu koishe. Bishnupur district, Deputy Commissioner Neeta Arambam para manu khan ke sorom nakhabi koishe khobor khan dibole nimete aro citizens khan ke koishe etu data khan toh confidential thakibo.”
1977 te shuru kurikena khali choita economic census kurikena ase etu bi massive work thaka nimete .
Etu economic census para clusters of economic activities, ownership pattern aro engagement of persons sob economic establishment khan te khobor dibo.
Directorate of Economics and Statistics of Manipur para press release te koishe ki MoSPI para CSC e-Governance Services India Limited ke loishe etu economic census, aro koishe ki etu census toh geographical boundaries laga establishments/units khan laga complete count khan ase .
Etu survey time te enumerators khan door to door jaikena khobor khan jaama kuribo aro MOSPI khan National Statistical Office logote milaikena aro directorate khan etu census sabo.September 9 te bachikena thaka district khan te etu survey laga second phase shuru kuribo.
Add Comment