Rahul Gandhi nemite ura chahaz kinnidebo

NEW DELHI, SEPTEMBER 5 : Madhya Pradesh laga Congress leader pora Newspaper khobor te tai neju laga khor aro dhukhan kan bekka bole karne advertisement te khobor janaise. Kele tai etu bekka pora tai kan Congress Party laga President Rahul Gandhi nemite bhal ekta ura chahaz kinnidebole karne koi kena.Boila April moina phale Karnataka state te etu Rahul Gandhi lag aura chahaz kerikena biya huise. Etu kerikena biya hua toh etu ura chahaz saa manu kan (flight crew) deri kura karne hi etu ura chahaz toh dara-dari jula time te kerikena biya hua laga ase koi kena Director General of Civil Aviation (DGCA) hisabte janaise. Aro etu kerikena chamala hua time te ekdam biya pora huikena thakise koise.Etu karne etu Congress leader Ashok Jaiswal pora etu ura chahaz kera chamala pora tai ke besi bhoi khelaidese. Etu karne tai etu nesena ura chahaz bhal wala ekta Rahul Gandhi nemite kinnidebole kuri ase koi kena janaise. Etubi aji-kali ula laga bhal ura chahaz. Kele Rahul Gandhi etu ura chahaz pora ahebole laga 2019 General Election te campaign manabole debo koi kena.Tai bi tai neju laga khor aro dhukhan kan bekkabole kura bejete tai laga shati kanbi tai kan neju laga khor aro dhukhan kan bekkabole kuri ase koi kena janaise. Aro etu bekka laga poisa chama kurikena 24 Akbar Road te bataidebo aro dedebo koi kena etu Ashok Jaiswal pora janaise.Tai bi etu Rahul Gandhi aro tai laga khor manu kan toh ekta bhal (Honest) leader ase. Etu karne tai etu nesena bhal leader ke bhal te rakhibole mon ase. Aro etu karne etu bhal wala ura chahaz debole kuri ase koi kena janaise. Tai bi Indira Gandhi aro Rajiv Gandhi bi ami kan India desh nemite leader kurikena ekdam bhal te thaka (Honest) murijaa laga ase. Etu oporte Sonia Gandhi bi Prime Ministership nemite besi bar hobole thaka ene charide kena thakise. Etu hisabte tai kan manu kan toh bhal (Honest) kan ase aro ami kan desh nemite eman dukh pora aro mon de kena kam kura kan ase koi kena janaise.