Headlines

Teachers Day Din manaise

September 6, 2018
352 Views

KOHIMA : Ami kan desh laga sob logot melekena Department of School Education pora State Level Teachers’ Day din manaise. Etubi 5th September 2018, NBBC Convention Centre, Kohima te.

School Education laga Advisor K.T. Sukhalu pora etu din te kotha kurikena shekabole kura toh manu laga jeevan tem on te hutai chuhi laga ase koi kena janaise. Aro tai bi Education Sector kan aji-kali laga duniya te kinika ahkete jai ase etu nesena ahkete luijabole karne bhal te shekabole kuribo lagi. Aro teachers kan Students kan ke notun-notun aro kissim-kissim dimak pora ahkete anedebole kuribo lagi. Kele etu huilehi Students kan tai kan laga rasta ke bhal hobo aro kitab bura ke ahkete bhal te jua hobo koi kena janaise.

Tai bi Math aro Science te besi komjur hua karne etu 2 ta ke bhal tem on de kena shekabole kuribi aro ahkete anedebole kuribi koi kena janaise. Tai bi hutai sal laga Education khobor, 2017 laga khobor hisabte kotha kurikena Nagaland te 30.4% students kan 14-18 sal laga kan Simple Division kuribole bari kena ase. Etubi National Average, 43.1% logot hisab kurile komti ase koi kena.

Tai bi Teachers kan ke Student logot ki-ki kura time te bhal te mela-mele kuri kena thakibole kuribi. Etubi Chat-chat, kotha, religion aro bhat kan nemite saa time te kun students ke bi alak-alak hisabte sabole nakuribi. Ulta bhal te kitab shekabi aro adat aro neum kan bhal te shakabole kuribi koi kena janaise. Kele etu Classroom te bhal te ki-ki Students kan ke manabole kura toh hutai yaat rakhibole laga ase koi kena.

Etu Teachers’ Day din laga naam porabi 15 jun Teachers kan State Level Teachers’ Award bai kena ase. Etu kan toh Takurenla, GMS Tuli-C, Mokokchung; Narotola Imchen, Little Flower School, Kohima; Roseline Komuha, St. Mary’s Cathedral HSS, Kohima; Loreni Ngullie, GMS Wokha Town Sector-A Wokha; Sheela Thapa, Sacred Heart School, Mon; Mesehol Kweho, GHS Kigwema, Kohima; P. Athisiva Krishna, St.Paul HSS, Dimapur; Peterkhrie-o Sekhose, GHSS, Peren; Niekhochi Venuh, GHS Phek Village, Phek; Debasis Mahata, GHS Yangphi, Kiphire; Santosh Kumar Tiwari, El Beth School, Kiphire; Mahadeb Mahapatra, GHS Yachem, Longleng; Subhash Kumar, GHS Kuthur, Tuensang; H. Hamloi Konyak, GHSS Mon; aro V.P. Ghuvishe Zhimomi GHSS Satakha, Zunheboto kan bai kena ase koise.

Etu din namana ahkete Advisor School Education, K.T. Sukhalu pora Teachers Day Flag toh lakai kena thaka kholidese (unfurled). Etu din laga Programme toh Mhasileno Peseyie aro Bharat Prasad pora ahkete luijai kena manaidese (chaired). Welcome Adress toh Principal Secretary, Department of School Education, Menukhol John pora kuridese. Invocation toh SDB Rector & Parish, Christ the King Church, Rev. Fr. Paul Punu pora kuridese. National Anthem gaana toh Baptist Mission School, Jotsoma pora gaaidese. “Arise and Shine” gaana toh GHS PWD, Kohima pora gaaidese. Aro tusera kan etu Programme te mana toh kobi Dr. S. Radhakhrisnan ke hisab kotha janaidiya toh Dr. Neilhouzhu Kire, GHSS, Kohima pora janaidese. Honouring of Teachers toh Bethel Hr. Secondary School, Kohima pora manaidese. Aro ekta gaana “Without You” koi kena St. Paul School, Kohima pora gaaidese. Etu bejete Significance of Teachers toh T.M. GHSS, Kohima pora kuridese. Aro Tribute to My Teachers toh BVitsaho Zhotso, Coraggio School, Kohima pora kuridese koise.

Etu Teachers’ Day din toh tusera jaka te bi manaise. Etu mana jaka kan toh Tuensang te GHSS Auditorium te manaise. Etu ke Rev. Achu Chang ES, CBLT toh Resource Person nemite ahekena thakise. Zunheboto District te Town Hall Zunheboto te manaise. Etu ke ADC Zunheboto, Vekhoyi Chakhesang ahe kena thakise. Mokokchung te Town Hall, Mokokchung te manaise. Etu ke Minister PWD, Nagaland, TOngpang Ozukum ahe kena thakise. Peren District te Tening te manaise. Etubi Government High School’s Auditorium te. Etu ke Special Guest nemite 36TH Assam Rifle A Coy Official ahe kena thakise. Pughoboto Sub-Division te bi tai kan Town Hall te manaise. Etu ADC Pughoboto, Phuleshe K Yepthomi ahe kena thakise. Aro Jalukie te Government Higher Secondary School, Jalukie, Peren District laga bitorte manai kena thakise koise.