GUWAHATI , August 30, 2019: Indian Railways khan para Assam laga Rangiya Junction Station toh bonaishe.
Khobor hisaab te Kamrup Rural district Assam te bonabole nimete Rs 10 para 15 crore tak laga amount dikena ase .
Etu Rangiya Junction Station laga first class waiting room toh texture paint para paint kurishe aro second class waiting room te bhal quality tiles aro false ceiling khan para bonaishe.
Etu railway station laga refreshment room aro kitchen hi upgrade kura hi nohoikena etu laga exterior areas khan bi wapas bonaishe.
Etu station laga front wall bi blue aro silver colours te paint kurikena ase aro etu laga circulation area bi bonaikena thakishe.
Etu station laga parking areas khan bi nutun pathway para bhal kurishe gaari khan thik thak jabole nimete .
Etu railway station laga walls ke bhal kuridishe local art painting khan halidikena .Etu station laga biya huwa jaka khan bi bonaishe nutun tiles dhalikena aro station laga toilet khan bi upgrade kurishe.Etu station te ekta pay and use toilet bonaikena ase .
Railway station te footbridge aro escalators bonabole shuru kurishe.Juwa sal Railway Ministry khan 90 railway stations desh te etu te Rangiya Junction Station ke world-class transit hubs te bonabole technology, local culture & history logote milaikena .
Etu kura toh railway stations te passenger amenities khan bonabole nimete etu para world-class experience dibo.
Add Comment