AHMEDABAD, SEPTEMBER 6 : Hardik Patel pora ahkete luijai kena mana Patidar Anamat Andolan Samiti (PAAS) toh eku nakhai kena 12 din fasting lui ase. Etu oporte tai bi jua kali khobor te tai pani khaa bi nakhaa huijabole ase koi kena janaise. Etubi BJP Sorkar kan Gujarat logot 24 khuntha majutte kotha kuribole nakurile koi kena.
Ahmedabad laga jaka te etu Hardik Patel thaka phale khobor kurikena PAAS Convener Manoj Panara pora Centre Sorkar laga Representatives kan etu fast lua jaka te ahe kena etu Patidar leader ke lok kuri kena kotha kuribo lagi koi kena janaide thakise koise.
Tai bi etu Hardik Patel laga kao toh ekdam komjur huijai ase. Huilebi Sorkar kan edia dak eku kuribole nakurikena ase. Aro etu Hardik Patel ke kinika fast lua pora hataidebole eku saidebole aro kotha manabole nakurikena ase koi kena janaise. Aro chuti tai ke (Hardik Patel) 24 khuntha majutte lok kurikena kotha kuribole nakurile tai pani dak bi nakhaa huijabole ase koi kena janaide thakise. Etu karne Sorkar kan ke chulti pora ahe kena kotha mela kuribo lagi koi kena khobor te janaise.
Add Comment