Agartala | Sep 4, 2019 (PTI): Tripura Chief Minister Biplab Kumar Deb koishe ki maiki khan uporte crime huwa toh komti hoishe state te etu bi BJP-IPFT government khan power te aha pichede.
Juwa sal March 9 te BJP-Indigenous Peoples Front of Tripura government khan sworn in hoishe etu khan para Left Front government laga 25 sal rule khotom kuraidishe.
Deb para Monday rati te post te koishe ki “Maiki khan uporte crime toh komti hoishe ami khan govt aha pichede Tripura Police, state administration aro Tripura manu khan ke dhandyaabad koi ase tai khan etu maiki laga crime komti kuraidiya nimete.
Chief minister aro koishe dowry torture laga cases khan toh 2018 te 12 percent para komti hoishe 2017 logote milaile toh ,rape cases 5 percent , molestation cases 18 percent ,dowry deaths 45 per cent para komti hoishe aro eve teasing cases toh 33 per cent para komti hoishe tai laga government khan power te aha pichede.
Add Comment