Agencies, 14 September: Thanamir Village Council para Department of Horticulture logode melikena 8th Thanamir Apple festival loise. Etu toh 13th September 2019 public ground Thanamir deh loise. Etu time deh special guest nemide Mhathung Yanthan, Advisor for Horticulture & Border Affairs thakishe.
Jama howah khan ke Yanthan koise, Thanamir toh Isor para ektum phal para bonaishe aro manu khan ke dhun natural resources para ashirbat paishe. Tai para local manu aro osor bosti laga manu khan ke Apple production besi hobo nemide alak measure lobole koishe. Tai para bosti manu khan ke agriculture othabo nemide melibole koise. Kelay koile etu para economic growth aro health phal hobole nemide thaga karni. Tai para manu khan ke tai laga department para Apple laga thek species toh debole koise. Kelay koile saman toh besi annibole aro Nagaland laga manu khan economically phal hobole.
Toshi Wangtung, Advisor IPR, SCERT & Village Guard para forests conservation opor deh kotha koise. Tai para forests toh conserve kuribo laki koise. Kelay koile kash khan katiya deya para climatic putli kora nemide aro etu para apples laga cultivation ekala ke dekthari ola nahoi kena manu khan ke be dekthari powah nemide.
Throngso, President Yimchungru Tribal Council (YTC) para tai laga message locals khan ke deya time deh koise, Apples toh duniya laga sob parts deh lagiya nohoile. Hoilebe konbah part deh he lakai. Etu para local cultivators khan besi cultivate kuribo laki aro ahhibole sal enaga festival toh thakibo laki aro etu time deh besi saman khan thakibo laki koise.
Add Comment