DIMAPUR,SEPTEMBER 14,2019: Department of Social Welfare, Dimapur District khan para Health & Family Welfare and PHED logote milikena AWTC, Complex, Diphupar, Dimapur 12th September 2019 te Poshan Seminar Rashtriya Poshan Abhiyan nimete loishe.
Medical Officer, Dr. Michelle; Sanitation & Hygiene Consultant, PHED, Imojungla Longkumer and District Coordinator, Poshan Abhiyaan, Limasenla Walling toh resource person thakishe.
Dr. Michelle kun para health and nutrition uporte kotha kura toh tai para pregnant mothers, lactating mothers aro adolescent girls laga nutrition uporte kotha kurishe aro calories, protein, folic acid, iron, calcium, iodine khan laga uporte bi kotha kurishe.Tai para breastfeeding aro vaccination laga importance uporte bi kotha kurishe.
Imojungla Longkumer kun para Basic Sanitation and Health Practices laga topic te kotha kurishe tai para safe drinking water, safe disposal of liquid aro solid waste aro management, safe water source aro personal hygiene uporte kotha kurishe.
Limasenla Walling kun para Poshan Abhiyan laga powerpoint presentation dishe koishe ki Ministry of Women and Child Development para etu programme toh implement kuri ase etu te schemes khan bishi ase etu para bacha khan 0-6 sal tak te bacha bukha maiki khan aro ama khan aro adolescent maiki khan dikdaar pabo.Tai aro koishe etu Mission para target kure ase chotu bacha khan ke anaemia komti kuribole nimete.
Etu programme toh DPO Dimapur, Hutoi Sema para loishe .Etu seminar te Anganwadi workers laga trainees aro officials line departments khan para ahise.
Add Comment