KOHIMA,SEPTEMBER 14,2019: Kohima District Level Monitoring Committee (DLMC) for implementation of Nagaland Integrated Waste Management Policy 2019 laga meeting toh office chamber Deputy Commissioner, Kohima 11th September 2019 te loishe.
Etu meeting DC, Gregory Thejawelie para luwa time te koishe ki etu committee ola toh implementation waste management district te sabole nimete ase .Etu nimete tai para sob manu ke etu venture toh seriously lobi koishe aro nijor nijor jaka te etu laga kotha janaidibole koishe etu policy bhal para shuru kuribole nimete district te .DC para Rule 22 of Solid Waste Management (SWM) Rule 2016 etu te etu local bodies khan para chulabole laga time frame aro dusra authoirities khanpara diya chulabole lagibo.
Etu meeting te alag alag chamela etu te waste management uporte kotha kurishe etu te Kohima Municipal Council, Green Team Kohima, Rengma Hoho aro dusra khan tai khan laga kotha kurishe etu action plan chulabole nimete district te .Etu meeting te alag alag issues te kotha kurishe aro manishe etu identified jaka toh lobole reusable waste khan jamaa kuribole nimete sob 19 wards te etu bi PWD aro New Market Colonies khan para shuru kurikena pilot basis te aro etu te awareness programme lobole aro manu khan ke etu toh janaidibole nimete ase .
KMC laga members Office Secretary, Zakiekhotuo Kiso aro DFO Rongsenlemla Imchen para tai khan laga activities uporte kotha kurishe etu bi waste aro waste management khan bhaakh kuribole nimete . Kekhrienuo M. Meyase Green Team Kohima para segregation waste, waste management aro waste komti kuribole nimete alag alag wards colleges aro schools te programme loishe.
Add Comment