PHEK,SEPTEMBER 14,2019: Phek District Planning Development Board meeting (DPDB) toh 12th September 2019 conference hall te Minister for Planning & Co-ordination, Neiba Kronu para loishe. Chiiketshe society laga registration uporte kotha kurikena approve kurishe . Chozuba laga chopper service uporte kotha kurikena approve kurishe bhabibole nimete . LADP fund finalization laga adoption bi approve kurishe . Agriculture department para tai khan laga departmental activities slide show te dikhaishe.
Kronu koishe ki government khan para raasta aro power development nimete top priority dishe kile koile toh bishi bak sob development activities toh etu facility para hoishe .Tai aro koishe ki coffee plantation aro bee keeping toh bishi important activities khan ase aro etu para ami khan laga economy boost kureh. Chotisu Sazo MLA & Yitachu MLA etu meeting te ahikena short speech dishe aro officers khan ke khushi mon dikena kaam kura nimete.
Add Comment