WOKHA,OCTOBER 02,2019: Rashtriya Poshan Abhiyaan, Poshan Maah National Nutrition Mission laga month long celebration toh “Local Food Show” two categories complimentary feeding for children and Balance diet, Diet-diversity sob age groups khan nimete 30th September 2019 Tiyi Hall, Wokha te loishe .Etu competition te National State Rural Livelihood Mission (NSRLM) and National Urban Livelihood Mission (NULM) laga 21 Self Help Groups (SHGs) bhaagh loishe.
Etu competition alag alag nutritional food items te dikhaishe SHGs khan para . Prime Rose SHG (NSRLM), Woro Pangti SHG (NSRLM) and Nzanro SHG (LULM) toh first, second and third hoishe .Etu jita manu khan ke EAC, Wokha, Imtinungla Longkumer para cash awards khan dishe.Etu te bhaagh luwa SHGs khan ke bi cash incentives khan dishe.
EAC, Wokha, Imtinungula Longkumer para etu competition naloa akhe te koishe ki Prime Minister of India vision nutun India laga ekta multi-ministerial convergence mission India ke nutrition free bonabole nimete 2022 para aro holistic development adequate nutrition thik thak thakibole nimete ase.Tai para sob line department etu public khan ke nourishment laga kotha khan janaidibole nimete khushi janaishe aro etu kaam toh bhal para shuru kura nimete.
District Project Assistant, Poshan, Annie Lotha kun para Poshan Abhiyaan laga brief overview dishe koishe etu toh Government of India flagship programme ase bacha ,bacha bukha maiki aro lactating mothers khan laga nutritional outcome bhal hobole nimete etu toh Prime Minister of India International Women’s’ Day juwa sal te shuru kurishe . Etu mission laga aimn toh malnutrition laga dikdaari khan janikena mission mode te ghussikena etu malnutrition toh aha tin sal te komti kuribole nimete ase aro bhal para sabole lageh etu goal pabole nimete.
Etu month long programme te eight major activities khan loishe aro bishi programme khan aro bi loishe Anganwadi Workers like, Growth Monitoring, Home Visit, VHSNT, Community Based events, Hand washing day, Mothers group meeting, seminar on complimentary feeding diet diversity, D2 Programme, Anemia Screening, Poshan Rally, Poshan Mela, WASH, menstrual and Heath Hygiene, the first 1000 (Thousand) days of a child life, painting competition bike tally aro Food show loishe .
Etu programme toh Sr. Supervisor, ICDS, Wokha, Erenbeni Kikon para loishe .Aro Assistant District Programme Manager-NRLM, Samuel Kithan para vote of thanks dishe.
Add Comment