KOHIMA : 04 OCT 2019: Spear Corps khan ‘Swachhta Hi Sewa’ laga theme te alag alag events khan loishe 16 Sep to 02 Oct 2019 tak Corps Zone laga pura jaka nimete .Etu National cause nimete etu sob activities khan te Soldiers, civilians, housewives and children khan bhaagh loishe.
Motivational lectures, symposiums, cleanliness drives aro cycle rallies khan bi loishe population khan ke plastic waste laga harmful effects environment te kinika hoi etu uporte loishe.
Spear Corps laga troops khan motivate aro loikena civilians population khan bishi hoikena mondikena etu campaign te bhaagh loishe .Etu para plastic rubbish khan hataidishe common areas khan para etu para etu jaka khan ke environment friendly aro plastic free bonaidishe.Etu campaign toh 16 sept para hi shuru kurishe aro volunteers khan bishi hoikena etu movement te ahise bosti khan te spread kurikena.
Etu campaign toh khotom huwa logote 02 Oct City Tower Dimapur te mega event loishe etu bi civil administration khan logote milikena .Etu event te Shri Jacob Zhimomi, Hon’ble Minister for PHED, Govt of Nagaland, Station Commander, Rangapahar Military Station, Shri Albert Ezung, NCS, administrator DMC, and Mr Kevekha Kevin Zehol, DC, Dimapur dusra civil aro military officials khan ekla hi nohoikena . Hon’ble Minister etu event shuru kura time te koishe etu plastic saaman khan nachulabole nimete aro state aro Dimapur ke plastic free bonabole nimete bhaagh lobole koishe.
‘Swachtha Pledge’ toh sob participants khan kurishe etu piche plastic waste jamaa kura laga mass campaign shuru kurishe.
Rangapahar aro dusra military stations khan te bi enika events khan loishe. Etu te Army troops, civilians, families etu school children khan pledge loikena etu cleanliness drive te bhaagh loishe.
Spear Corps laga sob military stations khan ke ‘Plastic Free Zones’ bonaidishe aro single use plastic chula aro bikri kura toh etia para bondh kurishe.Etu toh bishi lamba jabo cleaner, greener aro healthier environment nimete.
Add Comment