Odense: World champion PV Sindhu aro B. Sai Praneeth duijun pora Denmark Open te taijun laga campaign phal pora suru kurise hoile bhi Parupalli Kashyap aro Sourabh Verma duijun first-round matches te hariya biche te olai jaise.
Sindhu pora women’s single te Indonesia’s Gregoria Mariska Tunjung ke ha,rai dise. Tai pora former World Junior Champion Gregoria ke 22-20, 21-18 pora 38 minutes te harai dise.
World championships bronze medallist B. Sai Praneeth pora bhi China’s Lin Dan ke 21-14, 21-17 pora 35-minute opening round te chiti kena second round te khushise.
Tai etya Japan laga world No. 1 aro two-time world champion Kento Momota logot te khilibole ase, Switzerland te etu manu logot World Championships te tai boila hari kena ase.
Hoile bhi Korea Open laga semifinalist Parupalli Kashyap karne toh khotam dhakise kintoh tai Thailand’s Sitthikom Thammasin logot 13-21, 12-21 pora men’s singles event te harise.
National champion Sourabh Verma bhi 21-19, 11-21, 17-21 pora Netherlands Mark Caljouw logot 68 minutes te hari kena olai jaise.
Men’s doubles contest te, Thailand Open champions Satwiksairaj Rankireddy aro Chirag Shetty pora South Korean pair Kim Gi Jung aro Lee Yong Dae ke 24-22, 21-11 pora harai di kena ake te jaise.
Add Comment