New Delhi: “Moi Nikhat Zareen logot log kuribole bhui nai,” boxer MC Mary Kom pora confim kuris ear koise Olympic qualifiers karne trail te harai dibole “formality” hi hobo koi kena koise.
Next year laga Olympic qualifiers karne India laga team faisla nakuriya ake te Zareen pora tai logot te khilibole challenge kuriya laga chamela te Mary Kom (51kg) tai nijor bhasi kena paise.
Etu toh Boxing Federation of India (BFI) pora kowa etu six-time world champion Mary Kom (51kg) logot te China te khilibole plan kuria World Championships Russia te bronze medal chiti kena wapas ahiya somoy te hoise.
“Faisla toh BFI pora loi loise. Moi kanon botli kuribole naparibo. Moi pora toh perform kuribole hi paribo. Tai khan pora ki faisla lobo moi enika hi kuribo. Moi tai logot log kuribole bhui nai, trials karne toh eko nahoi,” Mary Kom pora felicitation program laga sideline te koise.
” SAF Games te pora loi kena tai ke bishi bar harai di kena ase hoile bhi tai moi kena eman challenge kuri kena ahi ase. Moi laga matlab toh ki kam? Etu toh formality hi ase toh. BFI pora bhi jane ki Olympics te kon pora bronze chitibole ase.”
Mary Kom koise “manu khan moi ke suku juli ase”. “etu toh boila te bhi enika toh hoi kena ahi se. Ring te perform kuriya toh phal kam hi ase. BFI khan pora moi khan ke exposure trips karne bothaise etu pora gold loi kena wapas ahise, nijor prove kuribe,” tai pora koise.
“Moi tai laga khilaaf nahoi. Tai future te phal hobole bhi pare, tai ke experience lobole dibe aro tangor level karne preparation ke focus kuri dibe. Moi jowa 20 sal karne khili kena ahi ase. Challenge kuribole toh aram ase hoile bhi khilibole toh dictary ase.”
Men’s team laga selection karne, BFI pora faisla kurise ki World Championships laga medallists khan ke sidha China te dhakibole laga pohila Olympic qualifiers te bodhai dibo. Women’s competition te, BFI pora August te koise ki World Championships Russia te gold aro silver chitiya khan ekla ke Olympic qualifiers February karne chunibo.
Hoile bhi, BFI khan pora etya selection committee ahiya habta te Zareen laga request laga kodha kuribole karne meeting madibole ase.
Mary Kom pora koise ki selection criteria te gender equality dhakibole lage koi kena. “Moi etu khan karne eko phabna nai. BFI khan pora faisla lobole dibe. Gender equality dhakibole lage, Maiki aro Moda laga alak alak rules nadhakibole lage,” tai pora koise.
Add Comment