SHILLONG | OCT 19, 2019: Meghalaya Health and Family Welfare Minister, Alexander Laloo Hek koishe ki 108 emergency services toh dusra firm khan ke nadibo state government khan para tai khan laga GVK EMRI ke agreement sign kura toh nahataidiya tak.
Hek koishe reporters khan logte kotha kura time te “GVK EMRI laga agreement toh etia tak valid ase.State government khan laga hath etu hadsaa te tight ase .”
GVK EMRI, logote agreement expire huwa uporte hudah time te tai koishe tai etu laga ekta bi khobor nai tai para khobor dishe ki tai para reportr mangishe etu chamela nimete Health and Family Welfare department laga secretary laga haath para .
Meghalaya Health and Family Welfare Minister koishe “Etu employees aro management khan deadlock khan napahangabo tai khan laga dikdaar toh khotom nakura tak.
Tai hoilebi koishe ki department khan kosish kuri ase manu khan ke modot kuribole nimete 108 ambulance services nathaka time te .
Hek koishe “Ami khan para ambulance aro mobile units khan phutai ase emeregency cases khan attend kuribole nimete .”
Aro bi janaishe ki komti hoilebi 200 ambulance drivers aro dusra Meghalaya GVK Emergency Management and Research Institute (EMRI) 108 ambulance service laga respondents khan 19 days para indefinite strike te thakishe.
Etu strike toh Meghalaya EMRI Workers’ Union (MEMRIWU), laga bithor te loishe etu toh September 30 para shuru kurishe aro protestors khan poara government ke joldi hi GVK EMRI logote contract toh hataidikena emergency services ke take over kuribole koishe.
Meghalaya Chief Minister Conrad K Sangma para akhe te koishe ki state government khan okobi plan nai etu state laga 108 emergency services laga management lobole nimete.
Add Comment