Longleng, 24 October: District Level SC – ST Conclave programme toh Nagaland Industrial Development Cooperation Ltd para Industries and Commerce department, Government of Nagaland logode melikena NSSH Schemes of the Ministry of MSEME Government of India pithor deh loise. Etu toh EBRC hall, Longleng jaga deh 23rd October 2019 deh loise. Etu din deh Deputy Commissioner Longleng, M. Shayung Phom toh special guest nemide thakishe.
Phom koise, manu khan toh nejor laga rasta ke opai pai etu nacharibo lakae. Tai para manu khan ke programme para olob kebah toh janibole, gamabole aro nejor inspire hobole koise. Tai para be self-employment nemide entrepreneurship- sewing & tailoring, handicrafts, shoe making, nesana kkhan share kora thakishe. Tai para be ahibole din kondu organisation aro individuals ke hoilebi district administration aro Assam Rifles para hotai motob kuribole aro support debole daiyar ase koise.
Sabaringiri M, Assistant Director MSEME, Dimapur para tai laga keynote address deh Micro Small Medium Entrepreneur Plan and Machinery investment aro economic activities opor deh kotha kowah thakishe. Tai koise, India deh 30 developmental institutes aro 18 technology centers ase aro Nagaland ke 99% units thaga toh Micro Industries ase.
MS Kaushik, Major Assam Rifle, Longleng para tai laga special speech deh student khan toh entrepreneurship nemide dangor kaam laga role kuribo lakae koise. Kelay koile Nagaland toh bechae deh thaga nemide. Tai para be programme deh hisha thaga student khan ke individual development nemide notun skill janibole koise. Kelay koile state deh unemployment dekthari powah othi thaga toh thek hobo nemide.
Technical session deh alak alak schemes aro activities toh alak alak department khan para present kora thakishe. Programme deh Lipom Phom toh chaired thakishe aro invocation prathana toh Tia, Executive Secretary PBCA, Longleng para kora thakishe. Welcome address toh Akhaba Sangtam, General Manager, DIC Longleng para deliver kora thakishe.
Add Comment