DIMAPUR, SEPTEMBER 9 : National Lok Adalat (NLA) din 9 ta District Headquarters te manaise. Etu ke 9 ta Lok Adalat Benches kan Saturday din te ulaidese (constituted) koise.
Etu Lok Adalat Bench te 194 chamala kan naam te thakise. Huilebi etu kan majutte aji-kali laga Lok Adalat te khali 122 chamala kanhi naam te anedese koise. Aro etu chamala kan nemite Rs. 1,05,09,903 poisa kan thuri baise. Aro etu thuri baa toh sob Fine manga poisa, Bank Recovery kuribole poisa, compensation poisa aro tusera kan nemite thuri baa laga ase koise.
Etu aji-kali laga chamala nemite sabole kura kan aro naam te anediya kan toh sob Bank Recovery chamala, Motor Accident Claim Tribunal (MACT) chamala kan hisabte hi besi baise. Aro etu Lok Adalat nemite kam julai kena thaka toh District Court Buildings te manai kena thakise. Aro etu chamala kan nemite sabole karne aro kotha manabole karne Lok Adalat osorte ahe kena manabole kuri lobi koi kena Parties aro Litigants (Complaint kura manu) kan ke janaide ase koise.
Nagaland State Legal Services Authorities kan pora bi etu chamala kan nemite thik pora kotha mana kurikena sabole karne banks, insurance companies, financial institutions, public utility sector laga departments aro tusera parties aro litigants kan ke kotha janaise. Etubi National Lok Adalat osorte ahe kena thik pora etu chamala kan nemite kotha mana kuribole kuri lobi koi kena.
Etu mani thaka time te District Judges, Chief Judicial Magistrate aro Civil Judges kan toh Presiding Officers nemite kam manai kena thakise. Aro tai kan etu chamala nemite saidebole thaka toh ekdam bhal te etu saidebole kam kan kuride kena thakise. Aro Panel Lawyers kan toh Conciliators nemite kam manai kena thakise. Etubi Para Legal Volunteers (members nemite thaka) kan logot melekena eke pora. Etu majutte Officials kan Commercial Banks, Financial Institution, Insurance Companies, Litigants kanbi eke pora melekena kam manai kena thakise. Etubi etu chamala kan nemite bhal te khola-kholi pora saidebole karne. Etu oporte etu din mana time te Local kotha pora kurikena lekha-bura nathaka manu kan ke thik pora aramse etu chamala nemite saide kena thakise koise.
Etu Nagaland State Legal Services Authority kan toh ekta Nodal Agency ase. Etubi National Lok Adalat (People’s Court) manai kena ahkete luijabole karne. Etubi Legal Services Authorities Act, 1987 laga bitorte.
Etu nesena chamala kan nemite saide kena thakibole karne ahebole laga National Lok Adalat toh December moina darek 8 te thakibole ase. Etu karne ami kan state te thaka manu kan logot etu ahebole laga National Lok Adalat te ki-ki chamala kan naam te file kuribole thaka kan Nagaland State Legal Services Authority ke call kuribi (contact). Nahuile District Legal Services Authority kan District Court Building te thaka kan osorte ahe kena etu chamala kan nemite naam te anedebole bari. Nahuile kunoba Court (concerned Court) te jai kena janaidebole bari koi kena janaise.
Add Comment