DIMAPUR, SEPTEMBER 9 : Hollotoli School laga Alumnus Rishav Sethi “Naga” koi kena nicknamed nemite tai laga college students kan pora mati thaka toh Delhi Technology University (DTU) Students’s Association laga General Secretary nemite huijua huise. Etubi hutai sal Elections August 31 te thaka time te naam te anedese koi kena.
Etu Delhi College of Engineering (DCE) toh DTU nemite naam botli hua laga ase. Aro etu Insitution kholi kena 76 sal huikena ase. Aro etu Institution bi Top-20 Engineering Colleges, India laga majutte bi naam te ahe kena ase koise.
Etu Rishav Sethi toh 5th Generation Dimapurian ase aro tai toh Ajay aro Anita Sethi laga moda bacha ase. Aro tai laga baba-amma aro khor manu kan toh Social Worker nemite kam kurikena thaka manu ase aro tai kan porahi NIIT Dimapur Center toh kholi kena 18 sal thaka laga ase koise.Tai pora khali tai laga khor manu kana ro shati kan ke hi khushi banaidiya nahui. Huilebi Dimapur, Nagaland aro DTU ke melekena lakhs manu kan ke khushi banaidiya laga ekta ase koi kena, khobor te janaise.
Eti Rishav Sethi bi tai laga shati kan logot eke pora Aahvaan-Sports Fest, DTU laga ula laga ase. Etubi “Integration of North Eastern States” laga Theme hisabte jua sal. Aro etu ula laga asul din (main event) toh “ Aaruniya-The Rise of North East” laga hisabte mana laga ase. Aro etu din toh Northern aro North-Eastern States kan sob laga Media te ekdam ulai kena nam gaama ekta thakise koise. Etu nesena kam bhal pora tai ke etu E-CELL DTU laga General Secretary nemite naam te anediya huise. Etubi Delhi-NCR laga ekta bhal Entrepreneurial Organisation te. Etu oporte tai bi Bachpan Bachpan Andolan koi kena ekta Organisation, Noble Prize cheta Kailash Satyarthi laga ke ase koise.
Tai bi 2016 sal te Nagaland laga JEE Topper mara manu ase koise.
Add Comment