GUWAHATI | OCT 28, 2019: All India United Democratic Front (AIUDF) chief Badruddin Ajmal para Sunday din te Assam government ke two-child policy te bodnam kurikena koishe ki government khan Muslims khan ke kaam nadibole nimete tai khan bishi bacha pabole lageh.
Tai ANI ke koikena janaishe ki “Islam khan khali duita bacha thakibole laga concept te biswaas nai.Kun bi manu khan ke rukhabole napribo kun khan ahibole mun ase .Government para mi khan ke kaam nadeh.Ami khan nijor bi kaam expect nakureh tai khan laga haath para.”
Ajmal koishe ki Muslims khan bishi bacha thakibole lageh kile koile tai khan ke education dibole ase .
Ajmal koishe ki”Mui kubole mun thaka toh bishi manu khan bishi bacha thakibole lageh aro tai khan ke educate kuribole lageh tai khan businesses, companies and shops khan khulibole lageh tai khan job opportunities khan pabole nimete aro Hindu brothers aro sisters khan ke kaam dibole paribole tai khan khushi pabole nimete.”
AIUDF chief koishe ki etu toh asorit ase ki state laga BJP-led government mana toh manu kun khan duita bacha para uporte te thaka khan ke government jobs nadibole nimete .
Ajmal koikena janaishe ki”Ekta kotha toh Rashtriya Swayamsevak Sangh (RSS) chief Mohan Bhagwat para manu khan ke koishe aata nohoile dosta bacha pabole nimete aro ekta kotha toh government koishe utu manu khan duita para uporte bacha thakishe koile toh government jobs napabo.Tai khan akhe decide kuribole lageh tai khan ki lageh.”
Tai aro koikena janaishe “Mui hisaab etia laga chief ministers aro Prime Ministers jonom nakuribo. Prime Minister Narendra Modi etia nijor hi tai laga ghor manu bithor te fifth bacha ase aro Assam chief minister Sarbananda Sonowal toh aata ola bacha ase .Judi tai khan laga ama baba khan bacha khan napaile toh tai khan jonom hobole thakanai.”
Add Comment