New Delhi, 28 October: Prime Minister Narendra Modi laga special flight airspace deh jolabole opor deh Pakistan para namana nemide India para etu issue toh International Civil Aviation Organisation (ICAO) agae deh loijaise.
Sources koise, “Overflight clearances toh lakae aro tusara desh para mana toh manise. Etu toh ICAO laga guidelines hisaab deh ase. India para overflight clearances nemide kosish toh kori thakibo. Ami khan para enaga namana opor deh toh civil aviation body agae deh loijabo lakae”.
Sources koise, “Pakitan para etu fesla toh loi lobo lakae aro etu opor deh aro phal para bhabona kuribo lakae.
Media reports hisaab deh, India para toh desh laga airspace jolabo nemide Pakistan laga agiya laki ase. Kelay koile October 28 direk Prime Minister Modi toh etu airspace jolai kena October 29 direk Saudi Arabia deh international business conference lobole laga ke hishaa thakibole thaga nemide.
Radio Pakistan para khobor janaideya hisaab deh, Islamabad laga fesla toh Indian High Commissioner Ajay Bisaria ke lekhi kena khobor janaidebo.
Poila Pakistan para be air space jolabole nadebo nemide nama thakishe. Etu toh hoile September 20 direk United State deh 74th UN General Assembly session lowah time deh ase. President Ram Nath Kovind ke be Europe deh official trip jabole laga ke Pakistan laga airspace nemide namana thakishe.
Add Comment