Agartala, 9 September: Jowah hapta agae din phalli Tripura laga 20-sal maike Tracy Darlong pora India karni gold medal jeta thakise. Tai gold medal toh Francaise Savate Championship’ laga 55 kg category de lobule para thaksie. Etu khel toh Chandigarh de thakise. Tracy Darlong toh Dhalai district laga Kanchacherra manu ase. Tai etu par gold jeti kena state aro desh laga naam ocha korise. Tai etya duniya laga sobse dangor sports even-Olympic de hesha lobule sai-ase. Saturday din Dasharat Deb Memorial Auditorium jaga de Students Union khan pora Tracy Darlong ke honour kori kena kushi-janaideya thakise. Tribal Welfare Minister, Mevar Kumar Jamatia pora be etu jawan khelari ke kushi janaideya thakise. Mevar Kumar Jmatia koise, Ami etu agae de tai logode ketya be log kora nai, tai ami osor de medal jeti-kena aihese. Ami be tai 8 medals jeti kena thaga toh jana-nai. Ami tai laga dreams de support koribo karni ami laga department de lobo koise. Tracy toh aihebole winter session International Kick Boxing Championship de thakibole ase. Tracy Darlong logode hekai thaga Pinaki Chakraborty pora be kushi-janaideya thakise.
Add Comment