Shenzhen: Sunday te World number one Ashleigh Barty spectacularly pora defending champion Elina Svitolina ke harai di kena WTA Finals chitise.
Barty, jowa panchta attempt te Svitolina ke harai dibole napari kena dhakiya manu Shenzhen Bay Sports Centre te 6-4, 6-3 pora one hour aro 26 minutes te harai dise.
Australian pora US$4.42 million record paise — men’s nahoile bhi women’s tennis kahani te ekbar bhi eman reward toh diya nai.
Babos-Mladenovic pora Doubles Title loise
Sunday te Timea Babos aro Kristina Mladenovic duijun pora Barbora Strycova aro Hsieh Su-Wei logot te khili kena taijun laga WTA Finals doubles title defend kurise.
Shenzhen Final te, world number three pora 6-1, 6-3 te 64 minutes te khotam hoi kena unbeaten campaign dhakise.
French Open champions khan 2008 pora loi kena etya tak te tai khan laga title defend kuriya to pohila team dhakise. Babos karne third straight kamiyab dhakise, tai 2017 te Andrea Sestini-Hlavackova logot te pair kuriya somoy te chitise.
“Moijun hosa bhi khara kurise aro moijun laga mental strength ke biswas ase,” Mladenovic pora match biche te koise.
Add Comment