Berlin: Bayern Munich president Uli Hoeness pora koise German giants khan pora Niko Kovac laga botli kuribole manu bisharibole time lobo, hoile bhi teen habta majo te nuton head coach bisharibo paribole biswas kuri ase.
Kovac ke Sunday te 16 months incharge te rakhiya te Bayern’s 5-1 pora Eintracht Frankfurt te hariya biche te olai dise, aro etu pora defending giants khan ke Bundesliga table te fourth te rakhi dise.
Kovac laga assistant coach Hansi Flick ke ekbar karne boss bonai dsie.
Hoeness pora koise Bayern laga senior figures khan pora “ektam astey pora nuton head coach bisharibole karne etya phabna kuribo aro etu laga faisla toh forthcoming international break te janai dibo koi kena biswas kuri ase.
“moi laga phabna hesab te next away game Duesseldorf (November 23) te naahiya ake te toh, moi khan sob pora coach laga issue toh kinika resolved kurise janibo,” Hoeness pora koise.
German media khan pora Kovac laga permanent replacement toh kon hobo koi kena asurat te ase, hoile bhi Dutchman Erik ten Hag, boila laga favourites ekta dhakiya manu, pora jani di kena ase ki tai etu season khotam nahowa tak Ajax ke chari kena najabo koi kena.
Massimiliano Allegri, Jose Mourinho aro Arsene Wenger, etu club te nadhakiya khan laga nam candidates hobole pare koi kena nam dise.
Flick, Joachim Loew laga assistant coach, Germany pora 2014 World Cup chitiya somoy te dhakiya manu ke Wednesday Champions League te Olympiakos laga khilaaf aro Saturday crunch Bundesliga match te Borussia Dortmund laga khilaaf khiliya somoy te tai ke Bayern laga home matches te incharge rakhibo.
Add Comment