China Open: Saina Nehwal Pohila Round Te Pora Olai Jaise

Wednesday Fozhou te dhakiya China Open laga pohila round te  Saina Nehwal China laga Yan Yan Cai logot harise.

World number 9 Nehwal 9-21 12-21 pora 24 minutes te hari kena  women’s singles pre-quarterfinals tepora olai jaise.

29 umar Saina toh January mohina te Indonesia Masters chitiya pora loi kena khao olap dictaru hoi dhakise.

Tai teen bar ekta biche te ekta koi kena first-round te olai jaise jowa mohina te French Open laga quarterfinal te nabonja ake te.

Aro men’s singles te, Parupalli Kashyap pora Thailand laga Sitthikom Thammasin logot 21-14 21-13 pora 43-minute te harise.  Tai second te Denmark laga  seventh seed Victor Axelson logot te khilibo.

World Championships bronze medallist B Sai Praneeth bhi opening round te Indonesia laga Tommy Sugiarto ke 15-21 21-12 21-10 pora  52-minute te harai di kena  second round te jaise. World No. 11 Indian pora  fourth seed Denmark’s Anders Antonsen logot te next round te khilibo.

Hoile bhi, Sameer Verma aro ekbar 18-21, 18-21 pora Hong Kong’s Lee Cheuk Yiu logot first round te hari kena olai jaise.

Mixed doubles te, Pranaav Jerry Chopra aro N Sikki Reddy duijun  Taiwanese Pair Chi Lin Wang aro Chi Ya Cheng logot  14-21 14-21 pora 31 minutes te harise.

Men’s singles te, HS Prannoy opening round te  17-21, 18-21 pora Denmark’s Rasmus Gemke logot harise.