KOHIMA,NOVEMBER 06,2019: Zhadima Village laga fish farmers khan nimete Village Adoption Committee (VAC) for11th Northern Angami II A/C khan Department of Fisheries and Aquatic Resources logote milikena 5th November 2019 te one day capacity building loishe.
ADC Chiephobozou, Vekhoyi Chakhesang kun Convenor, VAC 11 Northern Angami II para etu te aha manu khan ke kotha kurikena Department of Fisheries and Aquatic Resources ke dhandyaabad koishe fish farmers ke training programme diya bnimete tai khan laga skills upgrade kuribole nimete scientific method te aro tai khan laga production uthabole nimete .Tai para fish farmers khanke matikena tai khan ke fish culture te extra interest dibole kotha kurishe etu para tai khan laga economy uthibo aro tai khan ke koishe etu opportunity diya toh chulabi koishe .Tai khan hikaah toh dusra saathi aro bosti manu khan ke bi dikhabole koishe.
Etu training toh DFO Kohima, C. Dory Yanthan, Mashengol Neikha FD and Neikonuo Chakrunuo FD para kurishe .Tai khan para Site Selection, Pond Management, Species Selection, Integrated farming, Planning and Economic aro demonstration feed preparation, water parameters and plankton estimation te dikhaishe.
Etu training te sob milaikena 15 fish farmers bhaagh loishe .Etu te kheti kura manu khan para department aro VAC ke khusi janaishe tai khan ke opportunity diya nimete . Kedilezo M Keditsu, Head GB, Zhadima para programme loishe aro Khriekesa, Pastor, CRC para isor laga blessings dishe .
Add Comment