Headlines • Kohima • Nagaland

Raj Bhavan deh Gandhi’s Life laga lecture deshe

November 8, 2019
53 Views

Kohima, 07 November: ‘Gandhi Katha’ laga lecture toh Dr. Shobhana Radhakrishna, Chief Functionary, Gandhian Forum of Ethical Corporate Governance, New Delhi para deshe. Programme toh hoile Mahatma Gandhi laga 150th Birth Anniversary ke honour korikena November 6th, 2019 Durbar Hall, Raj Bhavan, Kohima deh loise.

Gandhi aro Nagaland majode connection thaga opor deh Dr. Shobhana koise, 19 July 1947 deh Naga National Congress laga eleven member Naga delegation ke Angami Zapu Phizo para led korikena Gandhiji ke lok kora thakise. Mahama Gandhi para tai khan logode ekta howah janaideya thakise. Shobhana hisaab deh, 1964 sal, Gandhian leader Lokanayak Jayaprakash Narayan (JP) toh Shankarrao Dev, Bimla Prasad Chaliha aro Sarvodaya movement para Rev. Michael Scott. JP’s younger associates aro Prabhavati Didi shaat thakikena Kohima deh ahiya thakise. Tai koise, Peace Mission agae deh first task toh hoile Church friends laga motob para kelaaf thaga hataidebole thakise.

Tai koise, 23 May 1964 sal Peace Mission members toh underground leaders ke lok kora thakise aro Chakhesang area deh 5000 manu agae deh ceasefire agreement sign kora thakise. Tai para student khan event deh Gandhi laga footsteps follow kori kena phal leaders hobole koise. Tai koise, Gandhi toh kowah aro kora, tai laga private life aro public life deh eku alak thaga nai. “Apun he ekala manu ase apuni nejor inspire hobole. Gandhi para tai laga pura jevaan kon ke be keen kora nai hoilebi eki respect toh sob ke deya thakise”.

Tai koise, “Gandhi para galdi kora toh thakise hoilebi tai galdi ke janise aro etu para buchise. Etu nemide tai ke alak toh bona laga ase. Ami khan nejor laga galdi ke janibole napara toh ego nemide ase. Gandi toh extraordinary manu deh transform kuribole para manu thakise kelay koile tai laga pura jevaan toh student nemide thaga karni.

Bosti laga local self government laga example loikena Shabhana para Nagaland deh Gandhian studies laga centre bonabole koise kelay koile state deh Gandhian bhabona aro systems nesana toh thaka karni.

Event deh Model College, Nagaland University, Mt. Olive College, Japfü Christian College aro SCTE laga 250 nesana students ahiya thakise. Governor, RN Ravi aro Chief Minister, Neiphiu Rio para event grace kora thakise.