Assam, 10 November: Sunday din Bharatiya Gorkha Parishangh (BGP) koise, Non-Resident Nepali (NRN) organisation khan Assam laga Gorkhas opor deh kotha kuribole eku haak nai. BGP para Akhil Bharat Nepali Ekta Samaj (ABNES) laga statement opor deh ektum kelaaf korise. Kelay koile National Register of Citizens (NRC) para 1 lakh opor Nepalese manu khan olaideya toh Nepal government para Indian counterpart ke kotha korikena NRC deh anibole kowah nemide.
“India deh NRN organisations toh etu desh laga Gorkhas opor deh kotha kuribole eku haak nai. Ami khan desh pithor laga chamela opor deh besi specific hobo lakae.
Aro koise, “NRC toh Indians laga matter ase aro Indian Gorkhas aro judiciary aro democracy opor deh besi biswaas ase. Judi nohoile deri hoikena hoilebi hataideya genuine Indian Gorkhas ke toh melabole ase”.
Aro koise, “Gorkhas toh Indian constitution para he khara thakibo. Assam laga Gorkhas ashrut howah toh, NRN organisation’s Assam unit para Nepal government ke Indian counterpart logode kotha korikena 1 Lakh opor Nepali manu laga naam toh NRC deh melabole koise”.
Statement deh aro koise, “NRN organisations toh nejor laga business deh mondebo lakae aro Gorkhas ke mela issues opor deh namelibo lakae”.
Add Comment