Agencies, 13 November: Mizoram’s students’ body Mizo Zirlai Pawl (MZP) para state government ke Assam logode lamba border chamela thaga toh joldi thek kuribole koise.
Headquarters, Aizawl deh ekta function lowah time deh notun MZP president, B. Vanlaltana koise, “Students’ body toh state aro boundaries ke bachabo nemide besi kosish kori thakibo”.
Tai para state government ke Assam logode border chamela thaga toh joldi thek kuribole koise.
Vanlaltana koise, “Lamba pending thaga border chamela nemide dangor kosish kuribo lakae. Ami aji laki laga state government ke gara para appeal kori ase Assm logode chemala thaga toh phal para thek kuribole”.
Vanlaltana koise, “Aji para Inner Line Permit (ILP) toh enforce kuribo nemide Students’ body para sob measure lobo”.
November 6 last deh, MZP para general election lowah thakise. Etu time deh Vanlaltana toh L. Ramdinliana Renthlei laga jaga deh president elect howah thakise.
Peter Chhangte ke toh vice-president nemide janishe aro etu samai deh Lalnunmawia Paute ke toh arobe general secretary nemide juna thaksie.
State home department laga officials koise, Mizoram aro Assam majode border chamela thaga toh joldi thek kuribo nemide kosish kori ase.
Officials koise, state government para Assam side ke mosque bonai thaga rukhabole koise. Kelay koile satus quo thek para rakhibo nemide.
Mizoram aro Assam majode border chamela toh lamba pending thaga issue ase aro etu issue toh aji tak thek howah nai.
Add Comment