Agartala, 18 November: Tripura deh opposition Congress para Bharatiya Janata Yuva Morcha (BJYM) laga kaam opor deh kelaaf korise. Kelay koile former AICC president Rahul Gandhi laga putla jolaideya nemide.
Senior Congress leader aro former Tripura Pradesh Congress Committee (TPCC) president Gopal Roy koise, BJYM activists para Saturday din rally loise aro Congress Bhawan agae deh Rahul Gandhi laga putla jolaise.
Party para state BJYM leaders ke etu hatsa opor deh kelaaf korikena FIR korishe.
Roy koise, “Ami khan etu act ke kelaaf ase. Etu toh ruling BJP para state laga political environment beya kuribo nemide plan kora ase. Ami khan para tinta BJYM leaders ke kelaaf korikena FIR korise aro tai khan ke arrest nahowah tak ami khan gara protest toh kori thakibo.
Police koise, BJYM state president Tinku Roy, secretary Vicky Prasad aro vice-president Joynal Das ke kelaaf kora FIR toh register hoise aro case toh investigated korise.
TPCC ad-hoc committee laga Convenor, Subal Bhowmik koise, “Independence bechide ami khan Tripura deh enaga situation toh ketiya be lok kora nai. Ami khan laga party office agae deh ami khan laga leader laga putla jolai kena ruling party toh ektum nejide namise. Etu BJP para opposition ke kelaaf kuribo nemide plan kora laga ase”.
Putla toh Congress Bhawan agae deh jola thakise. Eu toh General Post Office osor deh kora thakise. Poila Congress para Prime Minister Narendra Modi laga putla toh jola thakise.
Add Comment