HYDERABAD, November 18, 2019 : Sunday Hyderabad te nisha hoi kena adha lengta dhakiya Nagaland laga maiki ekjun pora konba maiki police personnel ke maribole kosish kuriya karne dhurise.
Khobor dlaga hesab te, Banjara Hills police khan ke Hyderabad laga Zahera Nagar jaga te maiki ekjun adha lengta hoi kena aro mudu khai kena rasta te khumai kena ase koi kena call paise.
Sunday te 12:30 am bhojor te call baa biche te, Konba maiki police personnel khan etu jaga te joldi bolaise aro tai khan pora etu nisha maiki ke police laga kari te dhalibole kosish kurise.
Hoile bhi, maiki khusha hoi kena Miki police personnel khan mari kena suru kurise.
Etu maiki ke Police station te bonjai diya biche te, Konba maiki police personnel khan pora tai ke kabora lagai dibole kosish kurise hoile bhi etu maiki pora aro biya pora maribole suru kurise aro konba ke toh mariya bhi marise.
Dui ghonta nishena biche te nisha pora phal howa maiki pora police khan pora hudiya ke koise ki tai etu city laga konba private company te kam kure koi kena koise.
Etu maiki pora tai software professional ase koi kena kobole kosish kurise hoile bhi tai proof dekhable pariya nai.
Tai laga khor manu ke etu hadsa laga khobor janai di kena tai ke State Home Begumpet te loi jaise.
Police ke biya pora maribole kosish kuriya harkat karne etu maiki laga khilaaf case bhi register kuri dise aro record bhi kurise.
Add Comment