London: Sunday te Stefanos Tsitsipas pora Dominic Thiem ke haraiu di kena ATP Finals title chitise.
Greek 21 umar 6-7 (6/8), 6-2, 7-6 (7/4) pora chitiya manu toh 2001 Lleyton Hewitt te pora loi kena sobse chutu champion.
Etu toh season te Tsitsipas laga third title ase aro tai sal ake te Next Gen ATP Finals, Milan te champion baa biche te hoise.
Tai pora London laga O2 Arena te crowd ke bura habta khushi pai di kena ahise aro tai pora straight-sets te six-time champion Roger Federer ke harai di kena final bonjise.
“Moi etya moi laga emotions ke rukhabole napare,” Tsitsipas oira koise. ” 2019 champion hobole toh ektam khushi pai ase. Etu toh sobna hosa howa ase aro etu matchc khotam kuri dibole ektam phal tarika ase.
“Match te moi ekber toh sorom paise hoike bhi moi nijor ke sorom ke bahowri dibole parise.
Thiem karne hariya toh ektam tangor sorom ase, tai pora etu sal panchta titles paise aro Indian Wells Masters, aro French Open final te second bonja bhi milai kena.
Add Comment