PATNA, SEPTEMBER 12 : National Human Rights Commission (NHRC) kan September moina darek 7, 2018 te Bihar laga Begusarai District te 3 jun manu ke manu uthai luijua kana se bari koi kena bhorta jun manu pora mari muraidiya nemite kotha janaise. Etu ke tai kan Bihar Sorkar laga Chief Secretary aro Director General Police logot etu nesena nahua chamala toh aro hobole nadebi. Nahuile chuti etu nesena chamala ulaise koile thik kotha manabole kuribi koi kena janaide thakise.
Khobor hisabte etu 3 jun pora ekta school bacha ke uthai luijabole kurikena thakise. Etu pora bhorta jun ahe kena etu 3 jun logot mari muraidese.
Etu hisabte NHRC porabi etu nesena chamala time te chuti kun ke huilebi ami kan bisas thaka nai (suspect) koile Police Authorities kan ke mati kena kotha kuribole lagi. Aro etu oporte etu School Administration kan bi ahkete ahe kena kanoon hisabte etu chamala saidebole kurile besi bhal hobole thaka koi kena janaide thakise.
Tai kan bi etu 3 jun manu muraidiya hisabte kun kebi eku kotha namanai kena aro kanoon hisabte kotha manabole nakura nesena hua laga chamala ase koi kena janaide thakise.
Add Comment