Agencies, 23 November: Saturday morning BJP laga Devendra Fadnavis para Maharasahtra chief minister nemide wada korise aro NCP laga Ajit Pawar para deputy nemide wada korise. Etu para Shiv Sena aro Congress ke ektum ashrut howah bonaise.
Etu toh hoile Shiv Sena, NCP aro Congress melikena Maharashtra deh notun coalition government bonabole laga final motions time deh hoise. NCP chief Sharad Pawar koise, Uddhav Thackeray ke chief minister bonabole laga agreement toh thaga ase.
Sharad Pawar para clarify kora toh, tai laga nephew para party laga fesla ke kelaaf korikena nejor para fesla korise. Report deh koise, Ajit ke toh NCP’s legislative party laga leader para hataidishe.
Wada kora bechide Fadnavis koise, “Ami NCP’s Ajit Pawar ji ke kushi powah janaidebole mon ase. Tai para etu fesla toh Maharashtra deh phal government thakibo nemide aro BJP logode eki hobo nemide ahishe. Konbah leaders ami khan logode ahishe aro ami khan para government bonabole bit loise”.
Ajit Pawar koise, “Ami para etu fesla lowah toh tinta parties- Congress, NCP aro Shiv Sena laga alliance kothom nahowah nemide ase. Maharashtra deh thek government debole toh laki thakise”.
Morning time deh kotha olai thaga toh, Ajit pra etu fesla toh Senior Pawar laga ashirbat pai kena loise naki koikena kotha ola opor deh Pawar koise, nephew para etu fesla toh nejor para lowah laga ase.
Sharad Pawar para tweet deh koise, “Ajit Pawar laga fesla BJP logode melikena Maharashtra deh government bonabole laga toh Nationalist Congress Party (NCP) namelikena tai nejor laga ase. Ami khan etu fesla opor deh support nai”.
Sharad Pawar para Uddhav Thackeray logode joint press conference lowah time deh koise, Ajit logode Raj Bhawan deh shaat thaga toh khali “10-11 NCP MLAs” ase aro tai khan ke enaga kuribole nemide pagala kora laga ase.
Add Comment