New Delhi, 23 November: Friday din Union Minister for Science and Technology Harsh Vardhan koise, CSIR lab deh technology ase. Etu technology deh plastic waste toh diesel deh putli kuribole paribo.
Minister para Lok Sabha deh koise, CSIR toh Scimago Institutions ranking deh 17th ase aro kaam opor deh galdi toh nahobo.
Trinamool Congress member Saugata Roy laga question opor deh tai koise, CSIR labs laga kaam opor deh member khan pura khobor toh nai.
2016 sal Council of Scientific and Industrial Research-Indian Institute of Petroleum, Dehradun deh lok kora opor deh saijai kena minister koise, tai khan toh kaam kori thakise plastic para weath deh putli kuribole.
Tai koise, etu sal lok kora time deh tai khan para technology demonstration plant bonaise. Etu deh one tonne plastic waste toh 800 liters diesel deh putli korise. Etu be 24 khonda deh.
Tai koise, etu para be petrol aro tusara petroleum products deh putli kuribo paribo. Delhi deh be ami khan para etu plants toh bonabole ase.
Add Comment