Pandu (Jharkhand), 24 November: Sunday din Union Defence Minister Rajnath Singh koise, “Mathi deh kondu power para hoilebi Ayodhya deh Ram temple bona ke rukhabole naparibo.
Bishrampur assembly constituency deh poll meeting lowah time deh minister koise, France para Rafale fighter jets lowah para border jaga laga terror camps kothom kuribole paribo”.
Tai koise, grand Ram temple toh Ayodhya deh bonabole paribo aro duniya deh kondu power para hoilebi rukhabole naparibo. Temple bonabole laga rasta toh Supreme Court para clear korise.
Kashmir deh Article 370 hataideya opor deh veteran BJP leader koise, “1952, Dr Shyama Prasad Mukherjee (Bharatiya Jana Sangh laga founder) koise, tuita Constitutions, tuita prime minister aro tuita flag toh ekta desh deh nathakibole. Ami khan para tai laga sabona korise aro ami khan laga poll manifesto deh wada kora toh korise.
Jharkhand deh Assembly elections toh five phases deh lobole ase. Bishrampur toh first phase November 30 direk polls deh jabole ase.
Add Comment