GUWAHATI , November 25, 2019 : Union sports minister Kiren Rijiju para Arunachal Pradesh wrestlers khan ke International Combat Games (ICG) New Delhi te 12 medals jita nimete khushi janaishe.
Rijiju para Monday din tweet te koishe ki Etu state wrestlers khan para 11 gold medals aro 1 silver medal jitishe .Etu Arunachal Pradesh laga Arm wrestlers Team khan bishi bhal kurishe International Combat Games (ICG) te 12 medals jitikena etu te 11 toh gold thakishe .
senior men’s category te Damdo Yomcha, Mapu Yigam, Robin Natung, Kirba Lollen, Tasen Ruti, Moli Ngomdir aro Nyummar Bagra para gold medal jitishe .
Kanu Yomcha, Ibi Lollen aro Jumbom Lollen para senior women’s category te gold medal jitishe .
Aro Nyosar Likar para junior men’s category te gold medal jitishe , wrestler Katu Yomcha para bi senior women’s category te silver medal jitishe.
Friday to Sunday tak New Delhi’s Talkatora Stadium te ICG loi.
Add Comment