Srinagar, 25 November: Monday din five-member civil society delegation ke former Union minister Yashwant Sinha para lead korikena jar-din nemide Kashmir deh jaa phal para kothom korise. Hoilebe Valley deh Article 370 hataideya bechide halat toh thek howah nai koise.
Valley laga alak alak parts deh police para control kori ase. Etu toh hoile eku gondogol naolabo nemide ase.
Kashmir deh behaviour putli howah opor deh Centre para saija nai koile halat toh arobe besi beya hobole ase.
Mr Sinha koise, “Alak alak groups laga manu khan ke kotha kora bechide last deh ami janishe halat toh thek nathaga”.
Mr Sinha koise, “Centre laga fesla Jammu and Kashmir laga special states hataideya aro state toh tuita Union territories deh bonaideya para valley deh dangor psychological dekthari olaise. Vally deh bhoi thaga laga mosom toh ase.
Former Union finance minister koise, region laga inhabitants toh Centre laga move para manu khan numbed hobole bhabona be kora nai aro etu numbness para dangor bhoi toh ase.
Tai koise, “Yati bhoi thaga laga halat toh ase. Ami khan ke saboble ahiya khan ke be security forces para dekthari deya thakise aro tai khan para be ami khan ke sabha-sabhi janaishe tai khan laga naam nakobole kelay koile agae din phali ke hobo najanae koikena”.
Tai koise, “Halat toh aro thek hobo nemide kobole toh dekthari ase hoilebi ebesi phak toh hoile Government of India para ke kuribo etu opor deh depend ase. Judi behaviour deh putli howah nai koile jati halat toh eku putli nahobo aro eku halat putli howah nai koile aro besi beya howah toh thakibo”.
Add Comment