Kohima, November 27: Advisor to Chief Minister, Abu Metha para Wednesday din deh koise, Tetseo Sisters laga CD- ‘A slice of Li’ olaise. Etu toh RCEMPA, Jotsoma deh function lowah time deh ola laga ase. Event deh Metha para Tetseo Sisters ke music laga field deh kamiyaab howah nemide congratulate korise.
Tai koise, Tetseo Sister toh tai khan laga music para Nagaland laga ekta besi ambassadors hoise. Metha toh music laga field deh ektum Naga youth laga dangor talent opor deh kushi powah janaishe aro duniya laga part deh Nagaland be music laga capital hobole laga bhabona koise.
Tetseo Sisters para A Slice of Li toh 7 track Extended Play (EP) ase. Etu toh worldwide May 2019 deh ola thakise aro etu toh popular music platforms- iTunes, Amazon, Saavn, Gaana, Hungama aro Airtel music nesana deh etiya tak ase.
Deluxe Edition EP, CD format deh 4 bonus instrumental tracks nohoile Tetseo Sisters hit songs Rhosi, Hiyo, Ohe aro The Tati Song ase. CD toh stores deh paijabo aro online platforms toh December 1 direk para hobo.
Add Comment