Agencies, 12 September: Tuesday din Maryland jaga de Brazil aro EL Salvador khela thakise. Etu time de Brazil khan 5-0 score pora jeti lowah thakise. Brazil laga khelari first time international de ola Richarlison pora be tuita goal thala thakise. Duniya de 72nd rank thaga team logode Brazil khan ektum gara dekhi thakise. Khel suru howah bechide Brazil kkhan goal thakibo karni khali tin-minute he laga thakise. Etu goal toh Neymar pora penalty area phalli ball keraideya karni Richarlison pora goal thala thakise. Richarlison toh arobe 13 minutes time de goal thala thakise. Etu toh 15 meter dur top cprner pora thala thakise. Aro 30 minute time Brazil khan arobe 3-0 bonai deya thakise. Etu goal be Neymar laga motob karni Phillipe Coutinho pora thalibole para thakise. Half time bechide five-times world champions toh aro goal thalibo karni kkhali five minute laga thakise. Etu goal toh thalibo na-paribo thaga ase hoilebe Richarlison laga kosish karni goal thalibole para thakise. Brazil khan pora fifth goal toh Neymar laga corner karni thakise. Neymar laga corner kick de Marquinhos pora goal thali-kena 5-0 bonaideya thakise. Brazil toh next Saudi Arabia logode Oct. 12 de khelibole ase aro jar-din bechide Argentina logode khelibole ase.
Brazil jetise El Salvador logode 5-0 pora
Add Comment