India jetise Pakistan logode 3-1 pora

Agencies, 12 September: Wednesday din SAAF Championship laga semi-final de India aro Pakistan khelise. Etu khel de India 3-1 pora jeta thakise. Dhaka jaga de tuita team be ektum phal pora suru howah thakise. Tai khan kun pora be half-time de goal thalibole na-para thakise. Hoilebe half time bechide goal thala suru howah thakise. First goal toh India pora thali-kena suru howah thakise. India laga khelari Manvir Sing pora 48 minute de goal thali-kena suru howah thakise. Etu manu pora be aro 69 minute de goal thala thakise. Manvir Singh logode Sumeet Passi pora be goal thala ke motob kora thakise. Sumeet toh India karni 84 minute de goal thala thakise. Etu pora India 3-1 pora jeta ase. Pakistan phalli pora khali ekta goal toh Mohammad Ali Davous pora 88^th minute de thala thakise. Khel de India aro Pakistan khelari red card pai kena thaga toh Lillianzuala Chhangte (89) aro Mohsin Ali (86) pai kena ase. India toh next China logode khelibole ase