New Delhi, 06 December: Public khan laga pockets chor para dapai ase kelay koile desh laga besi phak cities deh retail onion laga daam toh Rs 100 per kg mark ponja nemide. Tusara konbah jaga deh retail onion laga daam toh Rs 140 per kg deh ase. Etu khobor toh Consumer Affairs Ministry laga data hisaab deh ase.
Jaijai olob hapta para onion daam toh othikena ase. Etu toh hoile Kharif crop laga production nama aro key growing states deh unseasonal paani kera nemide ase.
Friday din Mumbai, Chennai aro Kolkata deh onion laga daam toh Rs 120 per kg thakise aro Delhi deh toh Rs 100 per kg thakise. Etu toh ministry laga sobse notun data hisaab deh ase.
Tier ll aro tier lll cities deh kaam laga choka laga saman daam toh othikena thakise.
Friday din Port Blair, Retail markets deh average onion daam toh Rs 110 per kg deh ase aro macimum rate toh Rs 140 per kg deh ase. Etu toh data dekhaideya hisaab deh ase.
Supply phal kuribole aro saman laga daam control kuribole nemide government para 21,000 tonnes imports toh state-run MMTC para contract korise aro shipments toh mid-January deh ponjibole biswaas kori ase.
Government para besi measures kora majode onion laga export bondh kora, business manu khan ke stock limits kora aro sosta rate deh supply khora be melikena ase.
Traders aro experts bhabona hisaab deh, market deh notun kharif crop nahaa tak onion laga daam toh January moina tak enaga he othi thakibo parae.
Add Comment