Guwahati, 07 December: Ahibole hapta parliament deh chamela Citizenship Amendment Bill (CAB) table kuribole howah nemide Assam deh protests kora thakise. Protester para etu toh desh laga secularism ke kelaaf ase koise.
Judi bill toh passed hoise koile gara wala All Assam Students’ Union (AASU) para all-out agitation suru kuribole bhoi khelai kena ase.
Friday din state laga capueses deh student para bill ke kelaaf korikena “Politics Na Koriba Bondhu” koikena hala kori thakise. Etu toh singer Xubeen Zarg para gaa “ami khan logode politic nakhelibe” kowah laga ase.
Guwahati Cotton University jaga deh protest kora deh state laga intellectuals, artists, singers aro students thakise. 1985 laga Assam accord deh sign kora Former Chief Minister Prafulla Kumar Mahanta be event deh ahiya thakise.
Cotton University laga ekta student koise, “Citizenship Amendment Bill toh ami khan laga constitution deh secularism wala kora ke kelaaf jaa laga ase. Northeast deh ami khan toh ami khan laga mathi, language aro culure deh emotional connection ase. Billl toh ami khan laga identity nemide kathara ase”.
Dibrugarh University laga ekta post-graduate student koise, “India toh secular nation ase aro ami khan yati Citizenship Amendment Bill nesana chese ke toh namibole naparibo. Ami khan etu nemide khara nathakibo aro ami khan etu ke gara para kelaaf kuribo”.
Protests deh hisha lowah Assamese singer Manas Robin koise, “Yati December 2014 para bohoi thaga Hindu refugees nemide citizenship debole plan kora notun bill plan kora ke manu khan ektum mondukh ase. Ami khan etu bill ke fight kuribo kelay koile etu para ami khan laga region deh khali illegal migration othibole howah nemide.
Citizenship bill para Pakistan, Afghanistan aro Bangladesh laga non-Muslim refugees ke Indian citizens hobole sosta ase.
Add Comment