DIMAPUR, SEPTEMBER 13 : HIV/AIDS bemar ke rokabole dawai deya laka jaka to ART center koi. Etu ART center te HIV/AIDS taka manu laka elag kore takhe. ART madlab Antiretroviral Therapy ase. Doctor hesab te Etu ART laka dawai nakhaile AIDS (Acquired Immuno Deficiency Syndrome) laka bemar pora paji pole chamce komti ase. . Dimapur te 2006 sal pora 13/09/2018 dak te 10,180 jun HIV/ AIDS ase Koishe. Aro ART laka dawai free pora kowa to 7000 manu oporte t ase koishe. Aro dawai nakai kena taka kan 3000 oporte ase koishe.
Etu khobor toh Dr. Hotoka Hesso (MBBS, PGDHIVM) pora janaiteshe. Khobor hesab te Nagaland te CD4 machine 6 District te ase. Etu kan toh Kohima, Dimapur, Tuensang, Mokokchung, Kiphire aro Zunheboto ase. Aro HIV/AIDS pemar manu laka khon (bllod) te poka(virus) keam ase laka sapola laka machine Viral Load Test Machine toh Dimapur te ekta bi nai. Eto to asoreth kota ase. Kele koile Nagaland te sob se peshe HIV/AIDS bemar taka manu to Dimapur te ase. Lab Technician ekta ase. ART center te Doctor toh 2 ta hi ase. Etu nemete HIV/AIDS bemar manu ke sapole peshe tok pai. Aro etu oporte Dawai bi komti ase, etu pora bemar manu kan besi dukh bai. Etu dawai kan laga naam toh Neviravine, Abacavir/Lamivudine, Tenofovir aro Zidovudine ase. Poisa taka manu kan toh pahar pora kene kena kai. Holibi poisa nataka khan to free pora ART center te dawai pai koishe.
Add Comment