New Delhi, 08 December: Monday din Lok Sabha deh Union Home Minister Amit Shah para chamela Citizenship Amendment Bill toh agae loijabole pura daiyar deh ase.
Etu move ahiya toh hoile Wednesday din Union Cabinet para Bill ke approve kora bechide ase. Cabinet meeting bechide Information and Broadcasting Minister Prakash Javadekar koise, Citizenship Amendment Bill para desh laga interests ke care kuribo.
Tai koise, “Ami mondangor ase ketiya Bill laga provisions announce kuribo Assam, Northeast aro pura desh para welcome kuribole”.
Khobor hisaab deh tinta northeastern states- Arunachal Pradesh, Nagaland aro Mizoram toh Bill para bachibo. Kelay koile etu tinta state deh gara Inner Line Permit (ILP) regime toh thaga nemide. ILP toh hoile government of India para official travel document deya laga ase. Etu para Indian citizen khan limited samai nemide pithor deh perabole paribo.
Citizenship (Amendment) Bill, 2019 para Pakistan, Afghanistan aro Bangladesh laga Hindus, Christians, Sikhs, Parsis, Jains aro Buddhists ke Indian citizenship pabole ase. Etu opor deh opposition party Congress para “unconstitutional” ase koise.
Minority outfits para be etu Bill ke kelaaf korise kelay koile etu bill para Muslims ke chara nemide.
Add Comment