Ghathashi Town de half-marathon loise

Agencies, 13 September: Thursday din Ghathashi town jaga de Half-Marathon Race loise. Etu Half-Marathon Race toh ECI laga Systemic Voters Education and Electoral Participation (SVEEP) programme pethor de DEO Pughoboto pora lowah (organise) thakise. Etu race de Gathashi town laga manu ekala nahoi kena osor bosti manu khan be hesha lowah thakise. Sr. men category de 1^st Mukalimi village laga Vitoho, 2^nd Mukalimi laga Boskha aro 3^rd Mukalimi bosti laga Vikashe pora lowah thakise. Sr. Women category de, 1^st Iphonu bosti laga Helito, 2^nd Iphonu bosti laga Lovini aro 3^rd Iohonu bosti laga Mishili pora loise. Junior Boys 1^st Ghatashi town laga Kumsuto, 2^nd Iphonu bosti laga Vipito aro 3^rd Ghatashi bosti laga Viyeto pora loise. Jr. girls category de, 1^st Ghatashi bosti laga Linovi, 2^nd Heboli bosti laga Helivi aro 3^rd Makali laga Neshebo pora loise. ADC & DEO Pughoboto Phulushe K. Yepthomi pora marathon toh ‘one man one vote’ laga message pora suru kora thakise.