Kuki bithor manu khan jungle te wapas jabo

IMPHAL, September 14, 2018: Kuki National Organisation (KNO) president aro commander in cheif  Kuki National Army (KNA), PS Haokip, pora sorkar khan ke dhamki dishe etu group  khan wapas jabole kuribo paichance kuki khan laga rights de saaman dia nai koile . Kuki Inpi Complex Tuibong, te luwa tin din kuki black day mana time te kotha kuwa time te Haokip koishe “KNO khan political  dialogue te ase central sorkar khan logote etu time te ami khan koi thakishe  ki kuki khan safe ami khan laga right nijor laga mati te saaman dibole nimete  . Ami khan okobi kotha nakobo .KNO khan tayar ase Kuki manu khan ke saaman dibole .Aro kosish nakuribole lage ami khan laga mati biya kuribole karne .” Haokip koikena janaishe .Tai aro koishe kuki  khan manga toh lageh kile koile toh tai khan secure lageh aro kunba standards lageh etu toh bishi din pora lagi thakishe .KNO president koishe Kuki manu khan restless hoi ase etu pora group khan ke pressure kuri ase ekta kotha janibole nimete.Aro kotha khan kubole shuru hobole ase etu group pora   45 charter demands bonaishe territorial council logote dusra rounds kotha kuwa time te.Tai khan pora centre khan ke etu group logote nakhilibi koishe tai pora dhamki dishe sorkar khan ke tai khan tayar ase jungle te wapas jabole karne kotha khan thik thak thakanai koile toh  .KNO khan etia tripartite political dialogue kuri ase centre aro state sorkar khan logote .25 armed Kuki groups  majhotte 17 toh   KNO bithor te ase .Aro 8 ta toh  United Peoples’ Front (UPF),  logote ase.Etu duita group kun khan demand kura kuki manu khan nimete statehood mangise   tripartite suspension of operation (SoO) agreement signed kurikena  August 22 2018 te.Olop akhe te statehood mangikena tai khan aro bi territiorial council mangise Indian Constitution laga framework bithor te.