Kolkata, 13 December: Friday saam West Bengal laga Murshidabad district deh Citizenship (Amendment) Act ke kelaaf korikena protest kora khan para railway station complex jolaideshe. Protesters para be Beldanga railway station complex deh thaga Railway Police Force laga personnel ke marishe.
Protester khan achanak para railway station complex deh kushise aro platform, ekta-tuita building aro railway offices jolaideshe. Ketiya RPF personnel para rukhabole kosish korise tai khan ke ektum beya para marishe. Etu khobor toh ekta senior RPF official para news agency ke janaideya laga ase.
Etu para Mushidabad district deh train services ke dekthari hoise.
Protesters para be Howrah district deh Uluberia railway station laga tracks bondh korise aro complex aro konbah trains beya korise. Etu para ekta driver ke be jokhom paise.
Citizenship (Amendment) Act toh hoile Bangladesh, Pakistan aro Afghanistan laga non-Muslim migrants ke Indian citizenship debole laga ase. Etu ke right goups aro opposition parties toh hoile constitutional right to equality ke discriminate aro violate ase koise.
Bengal Chief Minister Mamata Banerjee para etu act toh hoile tai laga state deh suru kuribole nadibole hosiyar janai kena ase aro tai para be etu ke kelaaf korikena gara rallies lobole janaikena ase. Tai koise, parliament deh Citizenship Act passed hoise koilebe etu toh Bengal deh namanibo. Non-BJP states deh “unconstitutional” law kuribole joborjos kuribole kosish kora nemide centre ke kelaaf korise.
Tai koise, Citizenship Act para India ke alak kuribo. Ami khan power thaki thaga tak state laga ekta manu be desh para charibole naolabo.
Bengal ke charikena Northeast deh be amend kora Citizenship Act ke kelaaf korikena gara para protest kori ase. Thursday evening Assam deh police firing para tuita protesters morishe. Army toh Assam laga districts deh patrolling kori ase.
Protests kori thaga majde high profile visits cancel korise. Ahiya hapta Japanese Prime Minister Shinzo Abe toh Assam’s Guwahati deh ekta summit deh ahibole thaga cancel korise. Tuita Bangladesh ministers be visit kuribole thaga cancel korise.
Thursday rati bill toh law hoise. Etu toh hoile President Ram Nath Kovind para mana bechide ase.
Add Comment