Digha, 13 December: BJP-led central government para Citizenship bill Act korideya ke kelaaf korikena Friday din West Bengal Chief Minister Mamata Banerjee para state deh etu toh suru kuribole nadibo koise.
Banerjee toh TMC supremo be hoi. Tai para press meet deh koise, saffron party para state deh law suru kuribole nemide bulldoze kuribole naparibo.
Banerjee koise, “Ami khan NRC exercise aro Citizenship Act toh Bengal deh ketiya be namanibo. Parliament deh passed korise koilebe ami khan para amend kora Act suru nakoribo. BJP para suru kuribole nemide states ke bulldoze kuribole naparibo”.
State deh December 16-18 deh protest kora programmes lobole janaikena CM para be Delhi deh Mahatma Gandhi laga 150th birth anniversary celebrations deh meeting lobole thaga be cancel korise.
Chief minister koise, “Citizensip Act para India ke alak kuribo. Ami khan power thaga take State laga ek-jun manu be desh para charibole ola nathakibo”.
Add Comment